પ્રથમ બિલાસ કિયૌ

પ્રથમ બિલાસ કિયૌ શ્યામાજૂ કીનૌ બિપિન બિહારજૂ ॥

ઉનકે બિધકી શોભા બરનોં કહત ન આવૈ પારજૂ ॥૧॥

બાકે યૂથકી ગણના નાહીં નિર્ગુણ ભક્ત કહાવેં ॥

તાકી સંખ્યા કહત ન આવૈ શેષહૂ પાર ન પાવેં ॥૨॥

ઘોષઘોષ પ્રતિ ગલિનગલિન પ્રતિ રંગરંગ અંબર સાજેં ॥

કિયૌ શૃંગાર નખસિખ અંગ યુવતી જ્યોં કરની ગણ રાજેં ॥૩॥

બહુ પૂજા લૈ ચલી વૃંદાવન પાન ફૂલ પકવાનૈ ॥

તાકે યૂથ મુખ્ય ચંદ્રાવલિ ચંદ્રકલાસી બાનૈ ॥૪॥

પોહૌંચી જાય નિકુંજ ભવન મેં દરસી વૃંદાદેવી ॥

તાકે પદ બદન કરિ માઁગ્યૌ શ્યામસુંદર બર એવી ॥૫॥

તિહિંછિન પ્રભુજી આપ પધારે કોટિક મન્મથ મોહૈ ॥

અંગઅંગ પ્રતિ રૂપરૂપ પ્રતિ ઉપમા રવિ શશિ કોહૈ ॥૬॥

દ્વૈજુગ જામ શ્યામ શ્યામા સંગ કેલિ બિબિધ રંગ કીને ॥

ઉઠત તરંગ રંગરસ ઉછલિત દાસ રસિક રસ પીને ॥૭॥