નૈનભર દેખૌં નંદ કુમાર
કીર્તનના શબ્દો
નૈનભર દેખૌં નંદ કુમાર ॥
જસુમતિ કૂઁખ ચંદ્રમા પ્રગટ્યૌ યા બ્રજકો ઉજિયાર ॥૧॥
બન જિન જાઊ આજ કોઊ ગો સુત ગાય ગુવાર ॥
અપને અપને ભેષ સબૈ મિલિ લાવૌ વિવિધ સિંગાર ॥૨॥
હરદ દૂબ અચ્છત દધિ કુમકુમ મંડિત કરો દુવાર ॥
પૂરૌ ચૌક વિવિધ મુક્તાફલ ગાવૌ મંગલચાર॥૩॥
ચહુઁ વેદધુનિ કરત મહામુનિ હોત નછત્ર વિચાર ॥
ઉદય પુન્યકો પુંજ સાઁવરો સકલ સિદ્ધિ દાતાર ॥૪॥
ગોકુલવધૂ નિરખિ આનંદિત સુંદરતાકૌ સાર ॥
દાસ ચતુર્ભુજ પ્રભુ સબ સુખનિધિ ગિરિધર પ્રાન અધાર ॥૫॥