ઝૂલે પારણીયે નંદકુમાર

નંદ કુંવર મારા હૈયાના હાર
ઝૂલે પારણીયે નંદકુમાર

એક પછી એક સાહેલી આવતા
ભીડ જામી છે રુડી નંદજી ને દ્વાર - ઝૂલે

કંકુડાં વરણા કાનકુંવરનું
મુખડું જોઈને મોહી વ્રજ કેરી નાર – ઝૂલે

વારી વારી ઝુલાવે રસિયા વાલમને
મુખડું જોઈને મોહ્યા ભક્તો અપાર – ઝૂલે

કોડે કોડે રે ઝાઝું હેત કરીને
લુણ ઉતારે માતા વારંવાર – ઝૂલે

ગોપ ગોવાલણી નીરખે મારા નાથને
આરતી ઉતારે ભક્તો વારંવાર – ઝૂલે

પુષ્પોની વૃષ્ટિ ત્યાં થાય અપાર – ઝૂલે

વલ્લભના સ્વામી રસિકશિરોમણી
અજબ રંગીલો મારો પ્રાણઆધાર - ઝૂલે