યમુના પૂજન આજ ચલી

યમુના પૂજન આજ ચલી નંદરાની જૂ રુચિર સિંગાર કરાયે ।

સબ કોઊ લેતિ બલાય મહરિ કી બાહર નિકસી ઢોટા જાયે ॥૧॥

બાજન બજત સંગ મિલિ ગાવતિ ઝુંડન સબ બનિ ઠનિ બ્રજનારી ।

હઁસિહઁસિ કહત સુનો રાની જસુમતિ નિત આનંદ કિયે ગિરિધારી ॥૨॥

પૂજા કરિ યશોમતિ યમુનાકી પકવાનન કે ડલા લુટાયે ।

પાઁઇન લાગિ ઉલટિ ઘર આઈ ગોદ ઉઠાય લિયે સુત પ્યાયે ॥૩॥

આછી હરદ સુરઁગ કુઁકુમ કોરેન સાથિયે ફેરિ ધરાયે ।

શ્રીવિઠ્ઠલગિરિધરનલાલ કી તિલ ચામરી બાઁટિ સુખ પાયે ॥૪॥