Vrat Dhari Devi
Lyrics
Vrat dhari Devi pooji ||
Jake man abhilash na dooji ||
Kijai Nandputr pati mere ||
Paihon jo anugrah tere || Chhanda||
Kar anugrah var diyo jab baras bharlon tap kiyau ||
Trailokya sundar purush bhooshan roop gun nahin biyau ||
It ubati sol singar sakhiyan kunvari chauri jahan bani ||
Ja hitke vrat nem sanyam soghri vidhna thani ||1||
Mukut rachi maur banayo ||
Mathen dhari Hari var aayo ||
Tan sanval pit dukoole ||
Dekhtahi ghan damini bhoole || Chhanda||
Damini ghan koti baron jab niharon mukh chhabi ||
Kundal birajat gandmandal nahi shobha shashi ravi ||
Aur kaun saman tribhuvan sakal gun jamahin hain ||
Manon mor nachat sang dolat mukutki par chhanhin hain ||2||
Gopi sab nyoten aai ||
Murali dhuni pathe bulai ||
Jahan sab mili mangal gaye ||
Nav phoolnake mandap chhaye || Chhanda||
Chhayeju phoolan kunj mandap pulinmen bedirachi ||
Baitheju Shyama Syam var trailokki shobha sachi ||
Ut kokilagan karen kulahul it saben Vrajnariyan ||
Aaiju nyonte duhudishaten det aanand gariyan ||3||
Rasmandal bhuj jori ||
Syam sanvare Shriradhagori ||
Pani grahan bidhikini ||
Tab mandap bhram bhanvardini ||
Dininju bhanvar kunjmandap priti ganth hriday pari ||
Sharadnish poojyau vimal shashi nikat Vrinda shubhghari ||
Gayeju git punit sakhiyan ved ruchi mangaldhvani ||
Nandsut Vrishabhan tanaya rasmen jori bani ||4||
Jahan Manmathsen varati ||
Tahan drum phoole nana bhanti ||
Sur bandijan yash gaye ||
Tahan Maghva vajitr bajaye ||
Vajitr baje shabd nabhsur pushp anjuli barakhahin ||
Dev vyonm biman baithe jay shabd karke harakhahin ||
Soordashin bhayau aanand pooji manki sadhika ||
Madan Mohanlal doolhe dulhani Shriradhika ||5||