તુમ બ્રજરાનીકે લાલા
કીર્તનના શબ્દો
તુમ બ્રજરાનીકે લાલા ।
અહો દધિ મથતિ સુહાઈ કે લાલા ॥ધ્રુ॥
દિવ્ય કનકકૌ પાલનોં લાલ રતન જટિત નગહીર ।
ગજમોતિનકે ઝૂમિકા લાલ ઊપર દક્ખિન ચરિ ॥૧॥
ઘુટુરુવન ચલત સુહાવને લાલ પગ નૂપુરકી નાદ ।
કટિ કિંકિની રુનુઝુનુ કરેં લાલ સુનત જનની અહલાદ ॥૨॥
આધે આધે બચન સુહાવને લાલ સુનત જનની મન મોદ ।
મુખ ચુંબત સ્તનપાન દૈ લાલ લૈ બૈઠારતિ ગોદ ॥૩॥
કુલ્હે સુરંગ સિર તાફતાકી લાલ ઝગુલી પીત સુદેશ ।
કંઠ બધના કર પોહોચિયાઁ લાલ શોભિત સુંદર વેશ ॥૪॥
તિલક ખુલ્યૌ ગોરોચના લાલ ઘૂઁઘરવારે કેસ ।
ન્હાઁની ન્હાઁની દતિયાઁ દૈ દૂધકી લાલ દેખિયત હઁસત સુદેશ ॥૫॥
કાજર લોચન આઁજિકૈં લાલ ભોંહ મટુક દૈ ઈઠ ।
અપનૌ લાલ કાહૂ દેખન ન દૈહોં જિન કોઊ લાવૌ ડીઠ ॥૬॥
પ્રથમ હની તુમ પૂતના લાલ શકટ ભંજન ત્રન મારિ ।
યમલા અર્જુન તારિકેં લાલ અબ કિન છાઁડૌ આરિ ॥૭॥
મેરે લાલકી મૈયા બ્રજનારી બાપ ગોપકુલ રાજ ।
ધનિધનિ તુમારે બલભદ્ર ભૈયા કરત સકલ સુખ કાજ ॥૮॥
મેરે લાલકી ગૈયા અતિ બાઢી ચરન વૃંદાવન જાઁઈ ।
પાન્યૌ પીવેં નદી યમુનાકૌ અંજન ખરિ વેખાઁઈ ॥૯॥
મેરેલાલહો પ્યારે લાલ તુમ કંસ મારિ ગઢ લેહુ ।
મથુરા ફેરૌ બ્રજરાજ દુહાઈ લાલ ગોપ સખન સુખ દેહુ ॥૧૦॥
લિયે ઉઠાય બ્રજરાજ ગોદકરિ દૈ ઉગાર હદેં લાય ।
બહોરિ લિયે જનની ગોદ કરિ અસ્તન ચલે હૈં ચુચાય ॥૧૧॥
કહત યશોદા સુનૌ મેરે ગોવિંદ લેહુઁ કનિયાઁ ચઢાય ।
જોં ઝૂલૌ તો પાલનેં ઝુલાઊઁ નાતર આઁગન બૈઠિ ખિલાય ॥૧૨॥