ટેરટેર બોલત નંદનંદન
કીર્તનના શબ્દો
ટેરટેર બોલત નંદનંદન ગાંગ બુલાઈ ધૂમરિ ધૌરી ॥
વછરા છોર દિયે ખરિકનતેં હૂંકહૂંક આવત સબ દૌરી ॥૧॥
મારત કૂંક સુબલ શ્રીદામા ભાજત ગ્વાલ લાલકે સાથ ॥
વિલસત હઁસત દેત કરતારી તુમ લાલન જાનત સબ ઘાત ॥૨॥
માથેં મુકુટ કાછ પીતાંબર ઓર રાજત ઉરપર વનમાલ ॥
શોભિત લકુટ બજત પગ નૂપુર ઝલકત કપોલન નયન વિશાલ ॥૩॥
ખેલી ગાય લાલ ગિરિધરકી વ્રજજન સબ મનમાંઝ સિહાત ॥
શ્રીવિટ્ઠલગિરિધરન દેખિકેં હુલસત નંદ યશોદામાત ॥૪॥