નવમોં બિલાસ કિયૌ

નવમોં બિલાસ કિયૌ જુ લડૈતી નવધા ભક્ત બુલાયે ॥

અપને અપને સિંગાર સબૈ સજ બહુ ઉપહાર લિવાયે ॥૧॥

સબ સ્યામા જુર ચલીં રંગભીની જ્યોં કરિણી ઘનઘોરેં ॥

જ્યોં સરિતા જલ કૂલ છાંડિકેં ઉઠત પ્રવાહ હિલોરેં ॥૨॥

બંસીવટ સંકેત સઘન બન કામકલા દરસાયે ॥

મોહન મૂર્તિ વેણુમુકુટ મણિ કુંડલ તિમિર નસાયે ॥૩॥

કાછની કટિ તટ પીત પિછૌરી પગ નૂપુર ઝનકાર કરેં॥

કંકણ વલય હાર મણિ મુક્તા તીનગ્રામ સ્વર ભેદ ભરેં ॥૪॥

સબ સખિયન અવલોક સ્યામ છબિ અપનૌ સર્વસુ વારેં ॥

કુંજદ્વાર બૈઠે પિયપ્યારી અદ્ભુતરૂપ મિહારેં ॥૫॥

પૂઆ ખોવા મિઠાઈ મેવા નવધા ભોજન આનેં ॥

તહાઁ સતકાર કિયૌ પુરુષોત્તમ અપનોં જન્મફલ માનેં ॥૬॥

ભોગ સરાય અચબાય બીરાધર નિરાંજન ઉતારે ॥

જયજય શબ્દ હોત તિહુઁપુરમેં ગુરુજન લાજ નિવારે ॥૭॥

સધનકુંજ રસપુંજ અલિગુંજત કુસુમન સેજ સઁવારી ॥

રતિરણ સુભટ જુરે પિય પ્યારી કામવેદના ટારી ॥૮॥

નવરસ રાસ બિલાસ હુલાસ બ્રજયુવતિન મિલકીને ॥

શ્રીવલ્લભ ચરણ કમલ કૃપાતેં રસિક દાસ રસપીને ॥૯॥