જસુમતિ મન અભિલાખ

જસુમતિ મન અભિલાખ કરૈ ।

કબ મેરૌ લાલ ઘુટરુવન રેંગે કબ ધરની પગ દ્વૈક ધરૈ ॥૧॥

કબ દ્વૈ દાઁત દૂધકે દેખોં કબ તુરતે મુખ બેન ઝરૈ ।

કબ નંદ હિ બાબા કહિ બોલહિ કબ જનની કહિ મોહી રરૈ ॥૨॥

કબ મેરો અઁચરા ગહિ મોહન જોઇ સોડ મોસોં કહી ઝગરૈ।

કબહુઁ તનક તનક કર ખૈહૈ અપને કરલૈ મુખહિં ભરૈ ॥૩॥

કબ હઁસિ બાત કહેંગે મોસોં વા છબિ દેખ દુખ દૂરિ હરૈ ।

શ્યામ અકેલે આઁગન છાઁડે આપુ ગઈ કછુ કાજ ઘરૈ ॥૪॥

યા અંતર અઁધવાઈ ઉઠી એક ગરજત ગગનિ સહિત ઘહરૈ ।

સૂરદાસ બ્રજ લોગ સુનત ધુનિ જો જહાઁ તહાઁ સબ અતિહિં ડરૈ ॥૫॥