જનમ બધાઈ કુઁવરિ
કીર્તનના શબ્દો
જનમ બધાઈ કુઁવરિ લલીકી ।
પ્રગટી પ્રભા અદ્ભુત સુગંધની હરિ અલિ કંજકલીકી ॥૧॥
સુમુખ સમૂહ સિહાત સુનતહી યહ બિધિ બાત ભલીકી ।
કીરતિ રાનીકી કલ કીરતિ ગાવત સુફલ ફલીકી ॥૨॥
બિનુ બછરન ગૈયા ખેલત શુભ સગુન દશા કુશલીકી ।
બલિકૌ ચાર સાર સોઈ સજની દાનવ દલન દલીકી ॥૩॥
રોપત બંદનવાર દ્વાર વર રૂપી અવલ કદલીકી ।
રોપતિ સીંક સુવાસિન સાથિયે સિખવનહીં સુનત અલીકી ॥૪॥
અગનિત સુત અવતાર નિવારૌ કો ભયૌ પ્રણત પલીકી ।
મહામોદ મૂરતિકૌ ઉદ્ભવ લાલ અનુજ મુશલીકી ॥૫॥
ભાયૌ ભયૌ નંદયશોદાકૌ પ્રથમહી બાત ચલીકી ।
ભાયૌ ભયૌ વૃષભાનગોપકો બચન સહિત દૃઢ લીકી ॥૬॥
કનક થાર ભરિ રતનબારનેં આવનિ ગલીગલીકી ।
રાવલ રાવરિ કુસુમન ઝરઝરેં અરુ ભરિ ડલાડલીકી ॥૭॥
નાચત ગોપી ગોપ ઓપસોં ઔર નિશાન ધુલીકી ।
યહ ભયૌ દાન અમાન માનદૈ ઔર મર્યાદ મલીકી ॥૮॥
રાધાનામ કહત ઋષિવર પઢિ યહ થિર નિગમ થલીકી ।
દધિકાદૌ ભાદોં ઝર લાયૌ આઠેં પંથ પથલીકી ॥૯॥
બેગિ બધૈયા ગયૌ મહાવન બિદા ભઈ મહલીકી ।
હરિ દેત અઘેહૈં નાઁહી અબ ચઢિ બની બલીકી ॥૧૦॥