હે યમુના તારા માધવથી મુજને મિલાવ

હે યમુના તારા (૨) માધવથી મુજને મિલાવ

મારા મનડાનો મોર મારે આંગણે નચાવ,
હે…મારા કેશમાં મોગરાના ગજરા ગૂંથાવ
મારી સેંથીમાં સિંદૂર એના હાથે પુરાવ – હે યમુના

હે…કાલા તે રંગની કંચુકી પેરાવ
મારો કાંઠુલો એના રંગનો ચડાવ – હે યમુના

હે…એનું મલપતું મુખ મારી બિંદીએ ચીતરાવ
એના નામની છાપેલી મને ઓઢણી ઓઢાવ – હે યમુના

હે…એના ગીતડાને ગાતો મને ચૂડલો પેરાવ
મારા નાકમાં નથડી એના નામની જડાવ – હે યમુના

હે…એના હાથમાં હાથ મારો તું જ પધરાવ
તારા શ્રીજીની સંગે મને તું જ પરણાવ – હે યમુના

હે…તું તો શ્રાવણીને શ્રાવણના જળથી ભીંજાવ
મને વ્રીન્દાએવાં કુંજમાં કૃષ્ણ મિલાવ – હે યમુના