હૌં ઢાઢિન વ્રજરાનીજુકી

હૌં ઢાઢિન વ્રજરાનીજૂકી કીરતિ જાઁચન આઈજૂ ।

ભવન પ્રકાસ કરન કુલ કન્યા વૃષભાન નૃપતિકેં જાઈજૂ ॥૧॥

મમ પતિ હરખે ઔર દેવ સબ ઉર આનંદ ન સમાઈ ॥

ઉમડે સબ જાચક ત્રિભુવનકે સુનિ યહ સુજસ બધાઈ ॥૨॥

કીજૈ મોહિ અજાચક રાની જાઁચન અનત ન જાઈ ।

દીજૈ રતન મણિ માનિક મુક્તા નગ નિરમોલ મઁગાઈ ॥૩॥

જો દીજૈ તો સાત સાખિકો દોઊ વંશ બખાનોં ॥

નંદરાય વૃષભાન નૃપતિકી કુલ પરપાટી જાનોં ॥૪॥

વંશ અહીર મહા બહુ નૃપ ભયે કંજભાનકો ગાઊઁ ।

ભુજબલ ચિત્રસેન અજમીડે યશ પર્યંત સુનાઊઁ ॥૫॥

બડે ભાગ્ય કુલ તિલક નંદજૂ જા કુલ કીરતિ ભાઈ ।

તિહિં ફલ સુભગ શ્યામ ઘન સુંદર મંગલ મોદ નિકાઈ ॥૬॥

અબ સુનિ ગોપવંશ કુલ રાની સર્વોપરિ રજધાની ।

અષ્ટસિદ્ધિ નવનિધિ જોરિકર કમલાસી લલચાની ॥૭॥

ભયે રતિ ભાન સકલ ભાન નૃપ ચિત્રભાન સુખદાઈ ।

ભાન અષ્ટમેં જોતભાન બડે કંજભાન બડરાઈ ॥૮॥

બડો વંશ બરનન કો લઘુમતિ કીરતિ જાતિ ન જાની ।

તા કુલ શ્રીવૃષભાનનૃપતિકી કન્યા વ્યાસ બખાની ॥૯॥