ચાલ સખી ચાલ

ચાલ સખી ચાલ કરીયે યમુનાનાં પાન,
શ્રીમહારાણી યમુનાને કરીયે પ્રણામ
ગોકુલ મથુરા વ્રીન્દાવન ધામ,
વ્રજમાં આવી માયે કીધો વિશ્રામ – ચાલ સખી

શાંત શીતલ માનું સુંદિર સ્વરૂપ છે,
જોને ગંભીરતા કેવી અનુપ છે,
પાવન થૈયે લઇ માનું નામ,
શ્રીમહારાણી યમુનાને કરીયે પ્રણામ – ચાલ સખી

વ્રજની ભૂમિનો માએ મહિમા વધારિયો
કાલિન્દી નામ ધરી કાલી ઉધારિયો
કરતા મનોરથ પુરણ કામ,
શ્રીમહારાણી યમુનાને કરીયે પ્રણામ – ચાલ સખી

વૈષ્ણવ મંડળની વિનંતી સ્વીકારજો
યમરાજાના પાશ થકી માત ઉગારજો
પ્રેમ થકી કરીયે માંના ગુણ ગાન,
શ્રીમહારાણી યમુનાને કરીયે પ્રણામ – ચાલ સખી

ચાલ સખી ચાલ કરીયે જમુનાનાં પાન,
શ્રીમહારાણી યમુનાને કરીયે પ્રણામ
ગોકુલ મથુરા વ્રીન્દાવન ધામ,
વ્રજમાં આવી માયે કીધો વિશ્રામ – ચાલ સખી