બરસાના ખેલે હોળી

બરસાના ખેલે હોળી,ખેલે હોળી, ચાલો બરસાના
કયાંથી આવ્યા કૃષ્ણ કન્હૈયા
કયાંથી આવ્યા રે રાધા ગોરી, રાધા ગોરી - ચાલો બરસાના

ગોકુલથી આવ્યા કૃષ્ણ કન્હૈયા
બરસાનાથી રાધા ગોરી, રાધા ગોરી - ચાલો બરસાના

પાંચ વર્ષના કૃષ્ણ કન્હૈયા
સાત વર્ષના રાધા ગોરી, રાધા ગોરી - ચાલો બરસાના

કીનકે હાથ કનક પિચકારી
કીનકે હાથ ગુલાલ જોરી, ગુલાલ જોરી - ચાલો બરસાના

કૃષ્ણ કે હાથ કનક પિચકારી
રાધા કે હાથ ગુલાલ ગોરી રે, ગુલાલ જોરી - ચાલો બરસાના

કૃષ્ણ એ છોડી કનક પિચકારી
રંગાણા રાધા ગોરી રે, રાધા ગોરી - ચાલો બરસાના

જમુના આરે કીચડ મચીયો છે
કન્હૈયો ખેલે હોળી રે, ખેલે હોળી રે - ચાલો બરસાના