બન્યો રાસ મંડલમેં

બનયૌ રાસ મંડલમેં માધૌ ગતિમેં ગત ઉપજાવેં હો ॥

કર કંકણ ઝનકાર મનોહર પ્રમુદિત વેણુ બજાવૈ હો ॥૧॥

શ્યામ સુભગ તન પર દક્ષિણ કર કૂજત ચરણ સરોજૈ હો ॥

અબલાવૃંદ અવલોકિત હરિ મુખ નયન વિકાસ મનોજેં હો ॥૨॥

નીલપીતપટ ચલત ચારુ નટ રસનાગત નૂપુર કૂજેં હો ॥

કનક કુંભ કુચ બીચ પસીના માનોં હર મોતિન પૂજેં હો ॥૩॥

હેમ લતા તમાલ અવલંબિત શીશ મલ્લિકા ફૂલી હો ॥

કુંચિત કેશ બીચ અરુઝાને માનોં અલિમાલા ઝૂલી હો ॥૪॥

શરદ વિમલ નિશિ ચંદ બિરાજત ક્રીડત યમુના કૂલેં હો ॥

પરમાનંદસ્વામી કૌતૂહલ દેખત સુર નર ભૂલેં હો ॥૫॥