અપને લાલકે ગુન ગાઊઁગી
કીર્તનના શબ્દો
અપને લાલકે ગુન ગાઊઁગી ।
સુંદર રતન જટિત પલનામેં છગનમગનકો ઝુલાઊઁગી ॥૧॥
લાલ કુલહિ પીત ઝગુલી તન નાક નથુલી પહરાઊઁગી ।
કંઠ હસુલી બધના કર પોહોંચી કટિ કોંધની બનાઊઁગી ॥૨॥
રુનકઝુનક પૈજની ઘુઁઘરુ નિરખિ નિરખિ સુખપાઊઁગી ।
લટ ગૂથોં ઉજ્જલ મોતિનસોં મટકન ભોંહ બનાઊઁગી ॥૩॥
હુલસિ હુલસિ લૈ લૈ પલનાતેં કનિયા ગોદ ખિલાઊઁગી ।
શ્રીવિઠ્ઠલ ગિરિધરનલાલ કો આઁગન બૈઠિ મલ્હાઊઁગી ॥૪॥