આજે વધામણાં રે ગોકુળ

આજે વધામણાં રે ગોકુળ ગામમાં (૨)
યશોદાએ કાન કુંવર જાયા - વધામણાં

વહેલી સવારના જશોદાજી જાગીયા (૨)
કૃષ્ણ મુખ જોઈ હરખાયાં - વધામણાં

દાસી દોડી ને આવી નંદરાય પાસે (૨)
મંગલ સંદેશા સુનાવ્યાં - વધામણાં

ઘર ઘરથી નીકળી વ્રજની ગોવાલણ (૨)
નવા નવા સાજને સજાવ્યાં - વધામણાં

ગોકુલ ની ગલીઓમાં દહીં દૂધ છાંટીયા (૨)
નાચતાં નંદ ઘેર આવિયાં - વધામણાં

વ્રજના નરનારીનાં મુખ થયા મીઠડાં (૨)
ભુદેવે આશિષ વરસાવીયાં - વધામણાં

વૈષ્ણવના નાથ આવ્યા આહીરને આંગણે (૨)
ગોપીઓ એ પ્રેમથી ઝુલાવીયાં - વધામણાં