શ્રી નવનાગરી પ્યારી
કીર્તનના શબ્દો
શ્રી નવનાગરી પ્યારી તૂ વૃન્દાવનકી રાની ।
બિહારિન લાડિલી પ્યારી તેરી કીરતિ જગત બખાની ॥ચાલ॥
જગત મેં જગમગ રહ્યૌ યશ બિન કૃપા ક્યોં બૂઝહી ।
અભિમાન અંધા લોગ કરમઠ તાહિ કછુવન સૂઝહી ।
કરૌ કૃપા પરમ ઉદાર યે મોહિ બારબાર સુહાવહી ।
બલિજાઉઁ શ્રીવૃષભાન નંદિની સુજસ તિહારૌ ગાવહી ॥૧॥
શ્રી નવનાગરી પ્યારી તેરી મોતિન માઁગ સઁવારી ।
બિહારન લાડલી તૈસી પહિરૈ ઝૂમકસારી ॥ચા॥
સારી જો ભીજિ ફુલેલ મેં રહી પ્રગટ બેની દેખિયૈ ॥
ધસી સીસ સુમેરતેં માનોં ભ્રમર પાઁતિ વિસેખિયૈ ॥
લલિત કટિ પર લાલ લહેંગા નીલકંચુકી કસિતની ।
પ્રથમ જોબન જોત તનકી ક્યોં બનૈ કવિ પૈ ભની ॥૨॥
શ્રીનવનાગરી પ્યારી તૂ ચંદ બદન મૃગનયની ।
બિહારન લાડિલી તૈસી હે ચંપક તન પિકબૈની ॥ચા॥
બેનીજુ પિક શુક નાસિકા સમ અધરબિંબ વિલાસની ।
કનક કુંડલ અલક ઝલકેં કપોલમેં મૃદુહાસિની ।
લલિત મુખમેં પાન સોહૈ નાસિકા મુક્તા ધરેં ।
ચિબુક સાઁવલ બિંદુકી છબિ કૌન ત્રિય સરવર કરેં ॥૩॥
શ્રીનવનાગરી પ્યારી તેરી બેંદી જગમગતાઈ ।
બિહારન લાડિલી યહ છબિ કબિ પૈ વરની ન જાઈ ॥ચા॥
વરની ન યહ છબિ જાય કબિપૈ નિરખિ શ્યામ સિહાઇયૌ ।
દસન દામિની અધર રાતે લાલ અતિ સુખપાઇયૌ ।
ગૌર ભાલ વિશાલ લોચન વક્ર અતિ છબિ રાજહી ।
ભ્રોંહ કામ કમાન માનોં બાણ મનમથ સાજહી ॥૪॥
શ્રીનવનાગરી પ્યારી તેરી છોટી લર ગજ મોતી ।
વિહારન લાડિલી તૈસી બીચ જંગાલી પોતી ॥ચા॥
પોતિ જો પુંજ જડાવ ચૌકી રહી ઉરપર જગમગૈ।
અંસ પર મખતૂલ ફોંદા દૃષ્ટિ જિન ગુરુજન લગૈ ।
બરા કંકન બાજૂ પોહોંચી ચૂરી ચારુ વિરાજહી ।
રતનજટિત અમોલ સુંદરિ અંગુરિન છબિ છાજહી ॥૫॥
શ્રીનવનાગરિ પ્યારી તેરે પગ નૂપુર ઝનકાર ।
બિહારન લાડિલી તૈસી હૈ મંથર ચરન બિહાર ॥ચા॥
મંથર ચરન બિહાર યહ ગતિ રાજ હંસન અર્પહી ।
જઘન સઘન ઉરોજ ભારી દેખિ સિંધ કટિ ડરપહી ।
પૃથુ નિતંબનિ કિંકિની સમ નિપટહી નીવી બની ।
ઝબા ઝલકેં દેખ દોઊ રીઝિ રહે સાઁવલ ધની ॥૬॥
શ્રીનવનાગરિ પ્યારી તૂ પિય તન મુરિ મુસિકાની ॥
વિહારનલાડિલી તબ ઉન બંસી ગિરત ન જાની ॥ચા.॥
જાની ન બંસી ગિરત કરતેં પીત પટ ખસ ભૂ પર્યૌ॥
રહે ઇકટક ચિત્ર જૈસે પગ ન ભૂમીતેં ટર્યૌ ॥
ઝુકિ જાત કછુવન ગાતકી સુધિ અંગઅંગ શિથિલ ભયે ।
પરત જાત સુજાન સુંદર ભુજા ભરિ ભામિનિ લયે ॥૭॥
શ્રીનવનાગરી પ્યારી તેરે રસ બસહૈં જુ કન્હાઈ ।
બિહારનલાડિલી લાલન રહે અંગઅંગ લુભાઈ ॥ચા.॥
અંગઅંગ લાલ લુભાય રાખે રસિક શિર મુકુટ મની ।
ગુન રૂપશીલ સુહાગ સુંદરિ અરુ ત્રિયાન કવન ગિની ॥
બ્રજરાજ નવલકિશોર કે કોઊ ઔર ચિત્ત ન આવહીં ।
બલજાઊઁ શ્રીવૃષભાન નંદિની તો હિત વેણુ બજાવહીં ॥૮॥
શ્રીનવનાગરી પ્યારી તૂ શ્યામગનોહર બોલી ॥
વિહારન લાડિલી પ્યારી તૂ ઉઠિ ચલ નવલ કિશોરી ॥ચા.॥
ઉઠિ ચલિ નવલ કિશોરી રાધે નવલલાલ બુલાવહીં ॥
સુંદર શ્યામ સુજાન સખીરી બારબાર કહાવહીં ॥
છાઁડિ માન સઁભારી પ્યારી કહાઁલોં તોહિ બુલાવહીં ।
બલિજાઉઁ શ્રીવૃષભાન નંદિની તો હિત મોહિ પઠાવહીં ॥૯॥
શ્રીનવનાગરી પ્યારી યશ તુહારૌ મોહિ ભાવૈ ।
વિહારન લાડિલી યહ યશ આપહી શ્રીમુખ ગાવૈ ॥ચા.॥
ગાવૈજુ શ્રીમુખ સુયશ તુહારૌ તુહી તનમન રમરહી ।
તુહી ધન તુહિ પ્રાન જીવન સપથ દૈ મોસોં કહી ।
કરૌ વિવિધ બિહાર ભામિનિ એતૌ ગહરુ ન કીજિયૈ ।
બલિ વિષ્ણુદાસ વિચિત્ર જોરી લોચનન સુખ દીજિયૈ ॥૧૦॥