મથુરાપતિ જિય અધિક ડરાનૌ

મથુરાપતિ જિય અધિક ડરાનૌ સભા માઁઝ અસુરનકે આગેં બારબાર શિર ધુનિ પછિતાનૌ ॥૧॥

બ્રજભીતર ઉપજ્યૌ મેરો રિપુ મૈં જાનિ યહ બાત ।

દિન હી દિન વહ બઢત જાત હૈ મોકોં કરી હૈ ઘાત ॥૨॥

દનુજસુતા પૂતના પઠાઈ છિનક માઁઝ સંઘારી ખટદિન કૌ બાલક ભયૌ તાનેં પય પીવત હી મારી ॥૩॥

અબહીતેં યહ હાલ કરત હૈ દિનદિન હોત પ્રકાસ ।

સેનાપતિ સુનાય બાત યહ નૃપ મન ભયૌ ઉદાસ ॥૪॥

ઐસૌ કૌન મારી હૈ તાકોં મોહિ કહૈ સૌ આઈ ।

બાકોં મારી અપનપૌ રાખૈ સૂર બ્રજહિ સોં જાઈ ॥૫॥